نكت سودانية

أدروب قبضوهو سكران أيام النميري جلدوهو وسجنوهو
جا راجع الخرطوم بعد سنة, لقي الإنتفاضة مدورة والمظاهرات مالية الشوارع
ياجماعة في شنو؟
يا أدروب دي الإنتفاضة
أنتفادة يعني شنو؟
يا أدروب خلاص نميري شالو وبعد كده تسوي الدايرو..
قام أدروب مشى سكر سكرة قوية ومشى نقطة البولبس عديل
يا سعادة الضابط::
مالك يا أدروب داير شنو؟
سجل عندك أنا أدروب مهمد أدروب
ســــــكران وشيوعي كمان



————————————————————————————-

تلاتة فئران يحششو الاول قال انا عادي باكل الجبنه من الشرك التاني قال وانا عادي بشرب سم الفار مع الشاي الثالث قال عن اذنكم يا جماعة قالوا له علي وين قال اصلي مجكس كديسة الجيران

من لم يمت بالسيف مات بغيره تعددت الاسباب والموت واحد…

وما طار طير وارتفع الا كما طار وقع…………..

(كابتن طياره مسطول بيعلن عن اقلاع الطائره)….

————————————————————————————-

طالبات مدرسة باوارث الثانوية فى بورسودان طلعوا مظاهرة
البوليس أعتقل مجموعة من البنات وركبن الكومر .
أدروب لقى الكومر واقف ملان بنات زى الفستق
فقرر أن ينضم للمجموعة المعتقلة بأى طريقة , وبدأ يهتف :

"عاش الحزب الشيوعى السودانى .. عاش نضال الطبقة العاملة"

الأمباشى مشلخ شايقى , واقف جنب الكومر , عاين لأدروب وقالو :

"يا زول أمشى من هنا .. والله إن بقيت لينين .. ما بتركب"

————————————————————————————-

الساعة تسعة مساءً مواعيد حظر التجوّل. الساعة تسعة جات وأدروب لسع ما وصل بيته. لقى ليه شدرة غليدة اتوكل على الله ورقد تحتها. نص الليل جات مجموعة من بوليس السواري ولقوا أدروب نايم تحت الشدرة. وقعوا فيه رفس ولكّيز ونهّير. صحى من النوم مخلوع. قال ليهم: في شنو يا جماعة؟ قالوا ليه قوم من هنا إنت ما عارف إنه في حظر تجول؟. أدروب قال ليهم: هسّأ الـ بيتجوّل فينا منو؟
————————————————————————————-

في اتنين جعليين مشوا العمرة وطبعا عمرة وزوغة ، ونزلوا عند واحد قريبهم شغال في السعودية و اكرمهم كرم شديد جدا ، المهم بعد فترة كشوهم ورجعوهم السودان ،و لما جاء قريبهم بتاع السعودية لقضاء الاجازة في السودان عملوا ليهو عزومة وبالطبع نوعية الاكل ما كانت بمستوي الاكل بتاع السعودية ، فأحسوا بحرج شديد وبعد العزومة واحد من الجعليين الاتنين قال ليهو ماقدرنا نكرمك زي ما اكرمتنا في السعودية ،لكن علي الطلاق عشان نكرمك كويس بكرة الصباح تخش السوق وتعمل ليك شكلة مع اي شايقي من طرف وتزح لينا منها.
————————————————————————————-

أوهاج وأدروب أشتروا قندول بنقو ومشوا المقابر يسطلوا
بعد السجارة العاشرة , لفوا سجارة جديدة .. الكبريتة خلصت
أدروب شاف ليه جماعة من بعيد .. بحفروا فى قبر
فقال لأوهاج " امش شوف الجماعة البيدفنوا ديك يمكن تلقى كبريت "
أوهاج مشى وأتأخر على أدروب … أدروب حصًلو هناك لقى "مقهى" فى الجنازة.
أدروب: " شنو ياخى ! .. وين الكبريت ؟.
أوهاج: " أنتا فى الكبريت ..ولا تعال شوف السيجارة دى لافنها بي كم كرت !!

————————————————————————————-

مسطول عامل فيها شيخ وقام مشي صلي بي الناس صلاة الجمعة بعد الخطبة الجماعة مشوا ليهو في بيتو وقالوا ليهو :
قلت غزوة بدر بي الطيارات قلنا عااادي..قلت صلاح الدين الايوبي خش القدس بي الكيماوي قلنا ماشي.. لكن امية باع بلال بي خمسة مليون لي برشلونة دي واسعة شوية ..

————————————————————————————-

مسطول عامل فيها شيخ سايق عربيتو وجاااري شديييييد لاحق خطبة قطع الاشارة وهي حمرا قام صلي سجود سهو

————————————————————————————-

في واحد اسمو بلة شييييييين شديييييييد قامو ولدو ليهو ولد شيييييييييييييييييييييييييييييييين شديييييييييييييييييييييييييييييييد صاحبو مسطول جا يبارك ليهو قال ليهو والله ولدك ده حقو تسميوه " زاد الطين بلة

————————————————————————————-

مساطيل دخلو الجامع والإمام يخطب وينتقد ظاهرة انتشار الجوالات في وسط البنات ويقول:
انتشرت الجوالات في أيدي الفتيات
فتيات كاسيات عاريات مائلات مميلات
أتدرون بمن يتصلن ؟؟؟.
إنهن يتصلن بالحبييييييب
المساطيل: صلى الله عليه وسلم

————————————————————————————-

واحد ما مسطول سألوه ما هو الفرق بين الحيرة والمفاجأة قال ليهم والله الحيرة دي لمن يدخلوك في أوضه مدوره ويقولو ليك أقيف في الركن والمفاجأة هي أن تجد الركن.

————————————————————————————-

مسطول مجكس ليهو واحدة متفلسفة وعاملة فيها شاعرة وبتكتب شعر
قالت ليهو :
أنا في داخلي إنسان ….
قال ليها ياخ طيب ما تقولي حامل وخلاص

————————————————————————————-

مسطول الدكتور قال ليهو ولدك ده «بسنن» قال انا متوقع حاجة زي دي
————————————————————————————-

واحد مسطول بعبر عن شوقه:
رسلت ليك ابليس عشان يوسوس ليك بشوقي ليك رجع الملعون ميت فيك مووووووووووووت.

————————————————————————————-

مسطول لقي نفسو

قدام الاسد ماعارف يتخارج كيف

قال ليهو تعال اكلني تاكل السم

————————————————————————————-

قالوا شباب الحله كلهم طلعوا رحله, و بداء البرنامج , بسالوا اى واحد عن امنيته شنو:
منى حنكوشه الحله قالت امنيته تكون عصفورة تطير من شجرة لشجرة, اها جاى الدور على جون و كان مكسر فى منى شددددديد قالوا ليه اها يا جون امنيتك شنو, قال " اكون نبله بس"
————————————————————————————-

مجموعة حناكيش كانوا بيحضروا فى عرس والفنان المرحوم خلف الله حمد واول ما غنى اغنية (الليلة الاسد جاى من بلاده يكر) حنكوشة قالت لزوله (نونو احسن نمشى انت ما سامع عمو بيقول الاسد جاى
————————————————————————————-

مسطول عملوا معاه لقاء فى التلفزيون
"المذيع سأله:" ماهو أصعب موقف مرّ بيك فى حياتك ؟
المسطول قال ليه:" يوم ما كنت بحلق فى دقنى
".. و بلوك لى فى لبانة
————————————————————————————-

تلاته مساطيل راكبين في طيارة هلوكوبتر بسطلوا
والطيارة في الجو
قاموا قالوا لي واحد منهم يمشي يجيب ليهم سجارة حمرا من الدكان
زولنا قام وعلي حسب السطلة الفيه مرق بي واحد من بيبان الطيارة
لحسن حظو لاقتو ليك مروحة الطيارة وخمشتو من لياقة القميص
صاحبنا بقى معلق والمروحة لافه
الجماعة بي جوة انتبهو للموقف وزولنا لافي مع المروحة
وهم برضو علي حسب سطلتهم شبكو ليك
آآآآآآي أقعد لف لينا كدة لمن تلقى الدكاكين قفلت

————————————————————————————-

مرة قروي شاف لوحة مكتوب عليها : مرزعة أبقار فسأل صاحبها : كيف تزرعون الأبقار فرد عليه نرش سكر على التراب وثاني يوم يطلع بقر فأخذ القروي كيس سكر ورشه على الأرض وثاني يوم راح يشوف البقر فوجد السكر عليه نمل فقال : والله البقر وهو صغير شكلوا حلو

————————————————————————————-


# واحد سأل مسطول شنو عكس تلميذات؟ اجاب المسطول:dont tell me that

————————————————————————————-

# مساطيل جاتهم كشة في البيت طفوا السجارة. سألوهم: الدخان ده جاي من وين؟ قالوا: والله يا اخي البيت ده اجرناه كده!!

————————————————————————————-

# مسطول فتح محل سماه ( بقالة الاقمشة لحلاقة الاحذية الغذائية)!!

————————————————————————————-

# مسطول قال لصاحبو: مشيت وين يا فردة؟ قال: مشيت اخدت لي لفة وجيت. قاليهو: أها لقيتها بي كم؟



————————————————————————————-

# مسطول قالو ليهو المعاناة تولد الابداع قال: والمعاناة دي بقت داية متين!!

————————————————————————————-

مسطول قال السخانة الايام دي تفتح الباب تلقى الشارع قاعد في الضل

————————————————————————————-

شايفك قدامي وما قادر أوصلك. وكل ما أحاول أقرب منك أخاف تصدمني. ومرات كتيرة أفكر فيك بلقاك إنت جاري وكل ما أسعى أفهمك ألقاك بتلف وتدور «ده مسطول بتكلم مع لستك عربية

————————————————————————————-

شايقيه فتحت جواز زوجها لقت المهنه راجل اعمال مسحت أعمال و كتبت رجل عوضيه

————————————————————————————-

واحد مسطول قالو ليهو مراسل الجزيرة مات فى العراق قال ليهم هو المرقو من مدني شنو

————————————————————————————-

• مسطول سايق عربية وراكب جنبو صاحبو قام قال ليهو لف يمين فرد عليه المسطول وقال ليه لف انت انا سايق.

————————————————————————————-

• غراب مسطول جالس في شجرة بياكل في قطعة جبنة الثعلب وقف تحت الشجرة وقال ليهو غني لينا ياغراب الغراب طلع الجبنة وختاها جنبو في الشجرة وقال للثعلب انت قايلني غراب سنة رابعة العوير الزمان داك

————————————————————————————-

• فلاتي مسطول بيضرب في ملاح ملوحه كارب، كل ما ياكل ليهو لقمة يلحس صوابعه ويقول : هلو لكن أفن

————————————————————————————-

• مسطول قاعد فى البيت والكهرباء قاطعة طبعا فاتح الشبابيك جات طيرة دخلت من الباب وخرجت من الشباك بحلق فيها كدا قال ليها يعنى عملتى شنو

————————————————————————————-

• مسطول قال : بعد ما رفعت الفاتحة إتذكرت إنهم أقباط ، قمت رشيتهم بـ يا أيها الكافرون

————————————————————————————-

واحد مسطول سال ناس بيتهم جيرانا ديل ضابحين ولا شنو قالو ليهو ليه قال ليهم ريحة الابرى ده شنو
————————————————————————————-

• فيه اثنين محششين مسافرين وقفوا عند محطة نزل واحد منهم وقال اخوه : شو اجيبلك ؟ قال له : أي شي …. راح جاب لنفسه عصير ولاخوه قلم

————————————————————————————-

مسطول ماشي في الشارع سالوا واحد قال ليهو ياخ حدائق 6 ابريل بوين قام حكه راسو وبدأ يفكر قال ليهو ياخ ماقالوا ليك سنة كم؟

————————————————————————————-
شافعه ابوها مسطول,جابت ليهو بليه قالت ليهو ابوى دى شنو؟
قال ليها بليه. ! الشافعه مشت بلته وجات .قالت ليهو اه بليتها .
ابوى دى شنو؟
————————————————————————————-

واحد مغترب قال لى اهلو انا عايز لى واحده طويله وبيضاء وسمحه وشغاله . اهلوا رسلوا ليهو تلاجه !

————————————————————————————-

ان شالله تعيشى فى عذاب طول عمرك

ويتهدم فيكى التراب وتحسى بى اكتئاب

ويمسكك الحكاك

مسطول بدعى فى نمله قرصتو

————————————————————————————-